Por iso entre o 30 de maio e o 29 de xuño na Praza de María Pita poderase visitar a instalación “Torre de Hércules. Faro da Humanidade”.

Alí quen queira fotografarase abrazando á Torre de Hércules e esta fotografía compoñerá coa de outros miles de cidadáns unha imaxe nova da Torre que queremos chegue a todo o mundo: a imaxe dun Faro que é o orgullo dunha cidade e recibe a estima dos seus veciños. Ao cabo de 24 horas a vosa foto estará incorporada á páxina web e axudará a cubrir as paredes da torre de abrazos e esta imaxe poderedes descargala, gardala ou enviala como unha postal electrónica.

Así mesmo tamén se poderá deixar gravada en vídeo unha mensaxe de adhesión a esta candidatura. No tempo que resta ata que a Unesco tome a súa decisión definitiva esta páxina web recollerá todas estas imaxes e nela veredes reproducida a vosa participación.